Кога планирате здрава исхрана, не заборавајте на морските плодови. Нивната хранлива вредност не може да се прецени, тие имаат неспоредлив хемиски состав и можат да ја дополнат дневната исхрана со исчезнатите витамини и минерали.

Протеините во месото на морските плодови се полесни за варење затоа што во ова месо, за разлика од црвеното месо, има помалку сврзно ткиво – колаген.

Морските плодови содржат незаситени масти (треба да ги избегнуваме заситените, а да се држиме до незаситените масти во храната) меѓу кои се вбројуваат и омега 3 масните киселини. Тие играат главна улога во намалувањето на ризикот од срцеви заболувања, влијаат врз намалување на холестеролот во крвта, врз развитокот на здрав мозок и вид кај малите деца, итн.

Морските плодови содржат помалку калории во однос на останатите видови на месо. Ако јадете морска храна ќе ги задоволите дневните потреби за протеини, но ќе внесете помалку калории. Затоа препорачливо е да јадете морска храна ако сакате да ја одржите или да ја намалите вашата тежина.